مسدس سات

1
( مسدس .. ربنا يُجبُر بخاطْرِك )
كنت في الأسفار بـ اشاطْرِك .. واربُط الأنهار بـ قَطْرِك
وامَّا ضاع ع السِكَّه ( حابى ) .. بـ التراب .. يمِّمْت شاطْرِك
يا رفيقْتى فى السَّوارِى .. طهَّرينى أصلِّى حَبَّه
نِدعِى صُحْبَه للحوارى .. ع الشجر يِبْقَلْها حبَّه
طعْمَها يحمِى الجوارى .. من عدُو شَبَهِ الأحبَّه
أُجبُرى خاطْرى يا شابَّه .. ربنا يُجْبُر بخاطْرِك

2
( مسدس .. نسيت انِّى نسيتك )
حبيتِك .. ونْسيتِك .. ونْسيت انى نْسيتِك
وقابلتِك من تانى .. فـ ضْعفت وحبيتِك
ياما نمت فْ بستانك .. أوطانك أوطانى
وسمحت لـ سلطانِك .. ينضَمِّ لـ سلطانى
علشانى وعلشانِك .. هـ نحاول من تانى
أنا مانحِك غفرانى .. من أوّل ما رأيتِك

3
( مسدس .. عصفور قلوق )
عصفور قَلُوق .. جناحاتى فوق .. وفضائى مرغَم ع النزول
أحلامى ضوء .. من غير وضوء .. بس بْـ صلاتُها الليل يزول
أنا من بلاد قطر الندى .. جواريها منى مـ اكتفَتْش
فات الميعاد أفرد طموحها ع المدَى .. ولَّا مـ فاتْش
سألونى بعد المُنتدى .. واليأس جاوب مـ الْتفتش :
موت الخيول المُجهدَه .. أفضل في حالتك .. م الوصول



.....................................
أشرف عبد العزيز
من ديوان ( مسدس سات أشرف عبد العزيز ) تحت الطبع

• لابصم بالدم فتحاوي
• عدوان واحد يستهدف هوية المكان
• ماجدات فلسطين خلف قضبان السجون شموخ وعزيمة لا تلين رغم الألم الأسيرة / بشرى جمال محمد الطويل (1993م-2021م)
• جذور الفتوة في الإعلام المصري
• النت المنزلى .. وخداع الشبكات
• يا حبيبتي اكذبي
• دور الأنشطة الثقافية في الرواج السياحي بالأسكندرية
• العقرب الطائر
• الانتخابات الفلسطينية وممارسة الديمقراطية وتحقيق العدالة
• لقاء بلاموعد حسن محمد قره محمد