الإثنين 23 سبتمبر 2019 م 2:13 مـ 23 محرّم 1441 هـ

بلاش في البعد نتمادى

2019-01-24 17:43:09
رشا محمد حسن

بااتوه في زحمة الأيام
وبعتيني ما قولتش ليه !
ولا حتي عرفت بكام !
ولا عارفه اقولك ايه !

لا انا قادره على بعادك
ولا قادره اعيش فيكي
وجعتي قلبي بعنادك
وكان املي إني ارضيكي
بااصدق حتى أوهامك
واعيش الحلم فعنيكي

يامصر يا ساكنه جوايه
يا زهرة عمري وصبايا
انا المؤمن بإنجيلك
بقرءانك وتوراتك
أنا عاشقه لترتيلك
لصوت الحق في صلاتك

لكن قلبي عليكي يلوم
لأنك خونتي أحلامي
وضاع حلمي وضاع علمي
وضاع صوتي في ثوراتك

يامصر ياغنوتي حـِني
انا نآي الفرح ليكي
سمعتك ياما بتإني
خاطرت بروحي وشبابي
وعديت م المـِحن بيكي

يامصر تعبت بزياده
انا عمري ماهوش فاصل
وبعد ضياعه هيواصل

نفسي قلوبنا تتواصل
بلاش في البعد نتمادى


>>>>>>>>>>>>>>
(بلاش في البعد نتمادى)
بقلمي

145002
جميع الحقوق محفوظة © 2019 - جريدة شباب مصر