الثلاثاء 17 مايو 2022 م 2:59 مـ 15 شوال 1443 هـ
الرئيسية | أقلام وإبداعات

خمريه وعينها عسليه

2019-01-31 21:10:25
رشا محمد


خمريه وعينها عسليه
تشوفها تقول دي مالكه الكون
بضحكه عاليه عفويه
وخطوة طفل كالمجنون
تقرب منها تحكيلك
عن الأمل اللي بكره يكون
تداوي كل اوجاعك
بنظرتها وكله يهون
وتبعد هي عن ناسها
وليل الدمع يحرسها
وتتنهد بكل شجون
بتدعي ربها يعينها
وتتدارا دموع عينها
ولاغيرها يعيش مسجون
بتحكي كل يوم قصه
قصاد مرايتها بدموعها
واخر سطر جاي لسه
وجايز يبقي فيه رجوعها
تولع للفرح شمعه
تشتت ضيها الانفاس
وتحكي لنفسها تاني
لو الأفراح هتنساني
هداري دمعتي دايما
بضحكه ولو انا هعاني
هعلم دمعتي تنزل
وانا بضحك قصاد الناس
دموع الضحكه مكبوته
بتنزل وقت ماتضحك
تقول تعبت من ذاتي
تعبت بكتر ذلاتي
سكوتي وصوتي والآهات
وخايفه من اللي جاي بكره
لأني تعبت م اللي فات
ورغم الحزن والحيره
ودمع العين مع الآنات
هتفضل هي خمريه
بعينهاالحلوه عسليه
بتدي الحب للعالم
برغم موتها من جوه
الوف والوف من المرات



#رشامحمد
#رشا_الروسى

0
أقلام وإبداعات
145092
جميع الحقوق محفوظة © 2022 - جريدة شباب مصر