الإثنين 21 أكتوبر 2019 م 3:19 صـ 21 صفر 1441 هـ
الرئيسية | مساحة حرة

سلمت عليا

2019-05-27 00:35:04
أميرة الكيكي

سلمت عليا.
مديت ايديك وسلمت عليا
وحضنت ايدى بين ايديك
بصيت جوا عينيه
وانا لعينيك بصيت
سمعت صوتك بينادينى
لمحت بسمه على شفايفك
قلت لى احلويتى قوى
بس ايه
هو ليه قلبي مادقش؟
هو ليه جسمى ماحسش؟
هو انا مت ولا ايه؟
فاكر زمان
ايوه زمان اللى كان قريب
كانت لمسة من ايديك
بتحلى الدنيا حواليا
كنت بشتاق لبسمه من شفايفك
حتى لو كانت مش ليا
كنت بجرى ورا كلمه حلوه
واستنيتها كتير لما فاض بيا
شفتنى خلاص حلوة
جاى تعوضنى عن القسوة
لما قلبي خلاص ماحسش
طب ده كده القلب مات
ازاى هتعوض اللى مات؟
ايوة قلبي مات
لما ايدك لمست ايديا
لما حضنتها بين ايديك
لما قلبي مادقش
عرفت انى عشت من جديد

0
مساحة حرة
147666
جميع الحقوق محفوظة © 2019 - جريدة شباب مصر