الإثنين 21 أكتوبر 2019 م 6:49 صـ 21 صفر 1441 هـ

ما تزعلش

2019-05-27 13:21:14
عماد ملاك فهمي

ماتزعلش ومن بعد اليوم ماتكشرش
وماتحزنش وماتتاثرش على حد باعك
أو حتى مات
اسكت واحزن من سكات
وابكي ألم ويا اهات .
واندم على فراقه لحظات
وماتتخدرش بوداع جسد
لأن الذكرى تبقي عايشه للممات
وتفضل ديماً أحلى ضحكة
أجمل ذكرى هي ذكراك
وماتحزنش ولربنا ماتعتبش
ما أنت مش أحن منه على عبيده
وماتعترضتش
وحاول تعيش من تاني يومك
وماتحزنش لأنه فاتك
ولا اقولك خبي همك جوه نفسك.
.وبلاش تعيش دور الضحيه
وعود نفسك ماتتكسرش
وداعهم مالك يد فيه
دي حكمه ربك وأمر نافذ
ولحكمته آمين وعادل ..
وانسي امبارح وعيش لبكره
خلي احبابك يدوب ذكرى
وماتستخصرش تصلي ليهم تملي
نياحه لهم ورحمه دائما.
وماتنساش اننا ذاهبين
واليوم الفايت مابيرجعش
وعيش حياتك وماتحزنش
ولحياتك عيش متنمش..
وخلي احبابك ذكرى جميلة
صلي ليهم كل ليله ..
صلي نلحق بهم ونعيش فوق حياه جميله
ومتزعلش
 

147672
جميع الحقوق محفوظة © 2019 - جريدة شباب مصر