الأحد 16 يونيو 2019 م 5:42 صـ 12 شوال 1440 هـ

هنتلاقى?!

2019-06-10 22:54:22
ندى أحمد الكيكي

 تفتكر بكرا نتلاقي و نرسم ايامنا ب ايدينا !
و نغني و نضحك سوا و الناس تبص لعنينا !
و تشدني ف نرقص تحت المطر و الناس كلها تسمع اغانينا !
و نطلب قهوتنا و نشربها دافيه و نفضل نفتكر ف حكاوينا !
و نروح ع البحر و نركب عجل ، ف اسبقك و الناس كلها تسقف لينا !
هنتلاقي ..؟
و نكتب بكرا ب ايدينا و نعافر !
فتبستم و اتعلق ف روحك و نسافر !
هنتلاقي ..؟
نسافر بروحنا ل ضوء كنا بنراسله ف الضلمه !
و ينور ، فتبتسم ، ف فيك ادوب تاني ، ف تهواني..!
هنتلاقي؟ ..
و نسمع سوا نسيم البحر و نشمه ، و فرحه قلبي تظهرلك تقوم ضامه !
ف احبك، و اتكسف، و ارتجف !
و اشوفك حلم بعيد بيفرحني
و اخ يوم يوم ماغلط بيصارحني
و صاحب يوم ما تضيق ما يجرحني
ف احبك زياده ، و افرح ، و اهواك
فنتلاقي و و نغني و ابقي معاك
و تمد ايدك ليا وتقولي تعالي انا عارف انك بتحبي الرقص تحت المطر !
ف المس ايدك و تكون ادفي من القدر !
مع اننا كنا ف عز الشتا ..
و كأن المطر مش بيلمس جلدي ع قد ما هو بيلمس قلبي من فرحته !
و تجري مزيكا فيروز جوانا و نتحرك معاها ب حركه اخف من الندي ع الشجر !
ف تقولي القهوه بردت !
و اقولك عادي مش اخر مره هنتلاقي ..
تفتكر هنتلاقي ..؟!

147865
جميع الحقوق محفوظة © 2019 - جريدة شباب مصر