الثلاثاء 02 يونيو 2020 م 6:39 صـ 10 شوال 1441 هـ
الرئيسية | أقلام وإبداعات

مش محتاج

2019-07-06 04:47:15
شفيق السعيد

مش محتاج منك صورة
ولا كلمتين فى جواب
ملامحك فيًا محفورة
وطيفك عمره ما غاب
في سكنى ولا ترحالي
عايش في خيالي وبالي
يا أغلي من كل غالي
غيرك ماليش أحباب
*/*/*
اطمن روح طمن قلبك
ليلي ونهاري معاك
دايما راح اكون جنبك
شمسك ليلك وسماك
من شوقك شوقي هيوصلك
يحكى لك يوصف ويقولك
عاشقك انا حابك كلك
ولا عنك يمنعنى غياب
اطمن
فيه جسم بيحيا بدون روح
أو زرع بدون غصن يعيش
أهو حبك للروح الروح
وبدونك انا ابقي مفيش
في حبك بسعد واتهنا
بعيونك بحلم واتمنى
حنانك يا حبيبي الجنة
وحنينى لقربك غلاب
مش محتاج منك صورة
*/*/

0
أقلام وإبداعات
148334
جميع الحقوق محفوظة © 2020 - جريدة شباب مصر