الثلاثاء 12 نوفمبر 2019 م 12:24 مـ 14 ربيع أول 1441 هـ
الرئيسية | إبداعات

الأبواق الخونة

2019-10-15 01:41:02
عبدالعزيز المنسوب

 
بيجرّك أحمق وممثّل
بيجرّك فاجر مسّلْسِلْ

يا اللي انت بتصرخ وتلالي
وعاملي فيها استقلالي

وغضنفر خلف الكيبورد
عارفينك ما انت استغلالي

وقاعد لي في دول الخيانات
بتحرّض زيّ الستّات

لو راجل انزل واتكلّم
خايف ولا انت مبلّم

مش خايف على ولد الناس
يهدم وطنه يكون وسواس

مش خايف على صاحبك ليه
عايزه يخون وتكون البيه

ما انت مريح في التكييف
والمسكين أحمق وخفيف

ولّا انت زعيم الآلاتيّه
تعزف لحمير عثمانجيه

وقناه مأجوره وغجريه
مزروعه لوأد الوطنيه

تُصْرُخْ تِكْذِبْ يلّا يا ناس
ما انت خسيس وما لكش أساس

عايز الشرّ يهدّ الناس
إتفوّ عليك بوز نسناس

ولّا حسابك وهمي ف شات
ما انت مزيّف ابن صاجات

رايح جاي للسبوبه
كلب وتابع للدولارات

اسمع كلمه لك أو ليها
ولقنواتكم الحثالات

مش هنخرّب يوم في وطنّا
ولا هتعودوا في يوم لديارنا

عاشت مصر وعاش أبطالنا
عاشت مصر وعاش أبطالنا

الشاعر / عبدالعزيز المنسوب

0
إبداعات
150245
جميع الحقوق محفوظة © 2019 - جريدة شباب مصر