الثلاثاء 19 نوفمبر 2019 م 11:46 صـ 21 ربيع أول 1441 هـ
الرئيسية | مساحة حرة

حياة بلا موت ( اليأس)

2019-10-23 20:53:35
مي نجاح

الفترة دي اكتر فترة فيها كمية يأس وإحباط مش طبيعية اكتر فترة شوفت فيها ناس محبطة وفاقده الأمل ومش واحد ولا اتنين لا ده الموضوع اكبر من كده بكتير
طب ده سببه اي هل سببه مشاكل(عائلية ولا عاطفية ولا دراسية ولا ذاتية) ولا ضغط نفسي ولا تراكمات ولا اي بالظبط...؟ فيه مليون سؤال عشان تجاوب على سؤال واحد وهو ليه اليأس؟
وبما ان فيه مليون سؤال اكيد فيه اجابات ووجهات نظر. كتير ومختلفة ف قررت اسأل بعض الناس اي مفهومك عن اليأس؟
وكانت الاجابات
• سحابة سودة بتغيم حياتك، قتل شغف جواكي بيخليكي مش عارفة تعيشي لانك مش هيبقي عندك هدف بعد كده و ال يعيش بدون هدف كأنه مش عايش، قتل للدافعية و انعدام الرغبة تجاه اي انجاز بتحاولي توصليله، خووف هيسيطر عليكي من عدم تحقيق اي رغبة من رغباتك، عالم مميت ال بيدخله بيعيش فيه بس بيموت ف العالم الواقعي
• اليأس ده فقدان الأمل، عدم الحياه علي الارض، عايش بس ميت، فاقد الحياه فاقد السعاده، اليأس شعور اسوء من الفشل ومن الخوف لان اليأس الفشل هنقوى ونقوم بعده والخوف هندركه وهنتحدى نفسنا ونعديه لكن اليأس بقي بيخليني محلك سر خلاص مش باقي علي حاجه ف حياتك افضل بقي ف حاله من الذعر والقلق والتعب وبدون اى مقدمات يعني الملخص هو مش مرحله فيها تقدم يعني الفشل بتقدم فيه انى اقاوم وانجح لكن اليأس عامل شبه الشجره اللي ماتت خلاص
• انا اهو نرمين سليم
• بالنسبالي اليأس دا هو فقد الامل ف كل حاجة عمتا تخص حياتي يعني مثلا ك دراسة او حب او صداقة او غيره بس فقد الامل بالمعني الحرفي يعني اللي هو الامل معدوم يعني وعمتا دا بيكون بسبب الشخص نفسه والتأثير السلبي اللي بياخده من اللي حواليه وعلي حسب تجاوب شخصية كل واحد مننا وحسب التأثير بيكون مدي اليأس
• بصي هو حاجة كدة ضد التفاؤل خالص كانهم اعداء وغالبا بيبقا سببه انك بيبقا جواكي تراكمات زعل كتير وحاجات معينة حطة عليها امل وفي الاخر مبتحصلش او مش بتتحققلك فتبدأي بقا تيأسي من الحاجة دي انها تحصل، انا ببقا كدة كتير اوي وباخد وقتي ودماغي بتقعد تفكر وبعد كدة برجع اقول من الاول، او بقا تبقي بتحاولي في الحاجة كتير اوي ومتنجحيش فيها فتيأسي وتفقدي الامل
• بشكل مختصر الياس هو ان افقد الامل ف ان احقق اي حاجه سواء ف حياتي العمليه او الدراسيه او الشخصيه
• ان البنى ادم يكون يائس من حياتوا يعنى عندوا احباط فقدراته وفنفسه واللى حوليه ومبيعرفش يتعامل بحيويه وطاقه ايجابيه وشايف كل حاجه سودا
• سعيكم مشكور
• بصي هو عمتا يعنى شعور صعب ان الانسان يعنى بيفقد الامل فى كل حاجه

كلهم اجمعو انه فقدان امل وموت للانسان وانه اسوأ حاجه ممكن يمر بيها ولكن كلهم مشتركين ف حاجه اهم هي انهم كلهم كل كلمه قالوها نابعه من جواهم وكأن كل شخص فيهم عاش الكلام اللي قالو وفيه ناس لسه عايشه جواه ويمكن تلاقي اجابات اكتر عن اليأس، اليأس والحياة علاقة عكسيه مينفعوش مع بعض ف يا اما اليأس يا اما حياتك اكيد انت مش هتضيع حياتك على حاجه ممكن تتخلص منها بنفسك حتى لو هتاخد وقت منك ولكن انت تقدر تتخلص منها لو عندك ارادة لكده حياتك اهم من كل ده، اليأس ده مشاعر سلبية بتسيطر على الانسان وعلى حياته بشكل عام.

0
مساحة حرة
150375
جميع الحقوق محفوظة © 2019 - جريدة شباب مصر