الثلاثاء 12 نوفمبر 2019 م 3:12 مـ 14 ربيع أول 1441 هـ

عين العقل

2019-11-02 22:18:32
أسامة عبد الناصر

"هو صحيح الحب بيقل؟!" كما هو طبيعة الحال و الفطرة السليمة و أحد سنن خلق الله لينا ف الكون ده .. اننا مُخيرين و نملك كامل الحرية ف الاختيار من بداية خلق آدم لحد القيامة ماتقوم .. ف كونك اخترت تحب ، كمان بتختار اذا كان حبك ده يعيش او ينتهى مفيش قانون بيُقر علي ان مشاعرك لحد ممكن تجف بعد فترة ، او حتي فرمان بينص ببوران احلامك و قرارات لو انت اللى ما اخترتش كدة ، الناس اللي بتتوهم ان الحب فترة و بيخلص عن طريق عوامل خارجية الزمن و الظروف الأجتماعية او اى مصدر داخلى زى الغيرة و إلي ما هو ذائل من المشاعر السلبية و إلخ ... بس نرجع لنقطة التخيير ، زى ما بتقرر اي شئ ، برضوا بأيدك تقرر ازاى تحب او تحافظ علي حبك و الحب اللي بيتقدملك و كمان بتقرر ازاى تسقيه و امتي تموته .. لو كان العيب مش فينا كنا عرفنا ان مفيش قوه ف الدنيا تقدر تغير قرار او مفهوم او حب انت بس أمنت بيه و صدقته و قررت تعيش عليه .. ولا مجرد شماعات بنخلقها عشان نرضى غرور فينا لمجرد انه يهدينا و يضحك علي ضميرنا و كاننا كان عندنا حق ! .. مع ذلك للاسف بنغيب ضميرنا لما نكابر ف صح شيفينوا غلط او ماينفعش حتي لو هندوس علي مبادئنا او مبادئ غيرنا .. بس نعيش مطمنين ان قرارنا الغلط هو عين العقل ...

150482
جميع الحقوق محفوظة © 2019 - جريدة شباب مصر