الأحد 08 ديسمبر 2019 م 6:04 مـ 10 ربيع آخر 1441 هـ
الرئيسية | إبداعات

البنت هفيّة

2019-11-09 13:56:31
عبدالعزيز المنسوب

 
لابسه اللبس اللي يكشف
بِتْقُول يا ناس حريّه

خلعت لبس الفضيله
يا حسره عليها ضحيّه

بتبصّ لفوق كتير
للأحمر والمونيكير

قدوتها خضرا زومبي
وسيرين واللولو هدير

عايزه تروح للنوادي
تِتْفَسّحْ في المعادي

وتصاحب كلب لولو
أشقر وبطبع هادي

عايزه تروح للشمالي
تمرح وتقول يا دالي

أنا بنت حرّه خالص
عرفني على السّحالي

سِيبَكْ من عهد يُسْتُرْ
فسّحني وخد دلالي

لبّسني قوام بكّيني
في الديسكو يا ليلي وعيني

دا الدنيا حلوه خالص
من غير ما تحبسيني

يا بنت ما تحلميش
ما فيش زيّ الشاويش

مافيش فسحه بّلاش
علشان ما تندميش

يا بنت ما تحلميش
علشان ما تندميش

الشاعر / عبدالعزيز المنسوب

0
إبداعات
150622
جميع الحقوق محفوظة © 2019 - جريدة شباب مصر