GO MOBILE version!
مارس1520176:46:06 مـجمادى آخر161438
مين يعوضنا سؤالك ؟
مين يعوضنا سؤالك ؟
مارس1520176:46:06 مـجمادى آخر161438
منذ: 6 شهور, 7 أيام, 23 ساعات, 44 دقائق, 53 ثانية

رثاء في صديقي وأخي الكبير الإنسان الخلوق صاحب المواقف النبيلة الشهيد العميد عامر عبد المقصود نائب مأمور قسم كرداسة الذي استشهد في مذبحة كرداسة وتم التمثيل بجثمانه ، وأتقدم بخالص العزاء لأبنائه أحمد وعلاء وزوجته الأخت والزميلة بكلية الإعلام الإعلامية القادمة نجلا سامي .

كان شهيد
من قبل حتى اغتياله
والقرار
يلبي الصوت لو يوم نادله
في حضن السما
شايف ملايكه في انتظاره
لا هاب رصاصه
ولا حتى هاب وحدة عياله
قولت ياما خلي بالك
يا حب عمري أنا محتجالك
لو تغيب في لحظة عنا
مين يعوضنا سؤالك ؟
يبتسم أحلى ابتسامة
السنين الجايَّ أحلى
نجلا .. أولادي رجاله
والحياة يا حبيبتي رحله
مش ها تفضل مُستمرة
وفي الحقيقة بقت مُملة
خلي بالك م العيال
الهروب عَندي مُحال
إنتي عارفه إني راجل
قلبي عامر زي اسمي
أيوه عامر بالإيمان
والإيمان مش بس دين
أو دقن وذبيبه في جبين
العمل عندي إيمان
الوطن عندي إيمان
والسلاح اللي في إيديَّ
سلاح أمانه للحماية
والقَسم كان باليمين
أحمي كل شبر فيها
من الديابة المجرمين
كنت أسمع
والدموع ع الخد سَيله
كنت خايفه .. كنت حاسة
كل كلمه بِقولها ليَّ
ورغم إني مِصدّقاه
قولت أضحك .. ليه أخاف أنا م الكلام
حس خوفي وحس بيَّ
وخد قراره في ثانية واحده وقال سلام
راح لعمله
وجَت مكالمة بعد ساعة واحده منه
قلبي قلي دا الوداع
وباليقين .. النبض ضاع
أيوه يا نجلاء
إديني علاء
وصّاه عليَّ
قاله قول لأحمد أخوك
نفس الوصية
سمعت صوت في القسم عالي
قولتله إهرب يا غالي
قلي لأخر قطره فيَّ
مش هَسيب عمري القضية
وانقطع بنا الكلام
بدون ما حتى يقول سلام
صرخت صرخة بكل جنون
جريت فتحت التليفزيون
مساجين بتهرب من كرداسه
نور الدنيا صبح ونّاسه
مَبقتش قادرة بجد أشوف
بقيت فريسه في حضن الخوف
فجأة شوفت حبيبي شهيد
نشف الدم في كل وريد
فجأة المشهد قرب بان
فعل خسيس فعل جبان
بيسقوا حبيبي بمية نار
لاء وكمان
قاموا يمثلوا بالجثمان
شوفت المشهد رغم قساوته
وقولت أكمل يمكن وهم
أو كنت بودع رحلة عمري
وكنت بشق في صدري بسهم
كنت بعاتبه بجد بصوت
رغم بموت
كنت بحس بصوته معايا
بيصبرني وبطلب مني
أحزن بس ياريت في سكوت
ليه الصوت ؟
هو في دينّا شهيد بيموت ؟
ومن لحظتها لازمت الصمت
وأمطار عيني ما بتبطلش
وطلبي قصاص عادل يرحمني
ويخليني لحظه ما فكرش

أُضيفت في: 15 مارس (آذار) 2017 الموافق 16 جمادى آخر 1438
منذ: 6 شهور, 7 أيام, 23 ساعات, 44 دقائق, 53 ثانية
0

التعليقات

130357
إبداعات
شباب مصر على تويتر
  • معك من أجل مصر
  • معك من أجل مصر
أراء وكتاب
هذا هو الشعب الفلسطيني بالأرقامهذا هو الشعب الفلسطيني بالأرقامد. فايز أبو شمالة2017-09-21 02:02:09
الفساد والشفافيةالفساد والشفافيةصبحى مقار2017-09-20 13:22:37
زمن العولمة ...!زمن العولمة ...!ناديه شكري 2017-09-19 22:54:28
عام الحزن ببلديعام الحزن ببلديهشام عميري2017-09-19 17:29:00
نريد بطلا لا رئيسنريد بطلا لا رئيسعدنان الصباح2017-09-19 08:39:34
تجاوز بعض الضباط يعود بنا لما قبل ثورة 25 يناير ..؟!تجاوز بعض الضباط يعود بنا لما قبل ثورة 25 يناير...علاء عبدالحق المازني 2017-09-18 11:19:51
لا يوجد حرمة واحترام للمقدسات .لا يوجد حرمة واحترام للمقدسات .ابراهيم سعد النقاش2017-09-17 14:08:47
قوانين ضد التقشفقوانين ضد التقشفسلام محمد العامري2017-09-16 09:38:57
رحلة سفررحلة سفرعمرو محمد الغزالي 2017-09-15 23:53:51
صناعة الذكرياتصناعة الذكرياتيحيى حسن حسانين2017-09-15 01:37:14
عالم الهراءعالم الهراءإيمان فايد2017-09-14 12:07:04
إبداعات
لاتقترب من وروديلاتقترب من وروديسمرا ساي - سورية2017-09-22 22:28:46
العبور – العاشر من رمضانالعبور – العاشر من رمضان كلمات واداء شذى الاقحوان 2017-09-22 20:54:42
ميسرةميسرةناديه شكري2017-09-21 19:11:28
تخلَّوا عنيِّتخلَّوا عنيِّعميرة ايسر2017-09-21 13:17:00
هَز الوسطهَز الوسطسمير ابراهيم زيان2017-09-21 12:11:13
وكم بالحبِّوكم بالحبِّمحمد محمد علي جنيدي 2017-09-21 08:29:58
تسقيني العشقتسقيني العشقعميرة ايسر2017-09-20 22:37:46
محطات لنصوص شعريةمحطات لنصوص شعريةمصطفى محمد غريب2017-09-20 19:13:09
المغرّد خلف القضبانالمغرّد خلف القضبانابراهيم امين مؤمن2017-09-20 00:59:21
أخيرا تزوجت !!أخيرا تزوجت !!عواطف محجوب2017-09-19 20:16:02
تدعو على -فيتدعو على -فيعميرة ايسر2017-09-18 12:34:19
مساحة حرة
  • الدكتور أحمد عبد الهادى على الفيس بوك
html slider by WOWSlider.com v8.0
قريبا : وثائق الحرب السرية ضد الجيش المصرى
الأكثر قراءة
شباب مصر على تويتر