GO MOBILE version!
يونيو22201711:30:49 مـرمضان271438
بالمستندات . نكشف ما يحدث الان في الوطن العربي
بالمستندات . نكشف ما يحدث الان في الوطن العربي
يونيو22201711:30:49 مـرمضان271438
منذ: 2 سنوات, 3 شهور, 15 ساعات, 19 دقائق, 18 ثانية


بالمستندات نكشف ما يحدث الان في الوطن العربي
أتفاقية تعيين الحدود البحرية بين مصر والسعودية .
كله بيتكلم عن جزيرتي تيران وصنافير ..
طيب تعالي أفهمك أيه اللي بيحصل حواليك وأهمية وخطورة الأتفاقية بس عاوزك تقرأ أكتر من مرة وتشوف كل المصادر وبراحة علشان تستوعب المكتوب .
قبل ما أتكلم عنهم لازم نعرف شويه أساسيات كده للي بيحصل حوالينا في المنطقة وهل هي ثورات شعبية ولا شئ أخر ؟!
اللي بيحصل ثورات ملونة زي اللي حصل للأتحاد السوفيتي لتقسيمه وتفتيته ومن نفس اللي قسموه .. طب ليه ؟ علشان الغاز والثروات والمضايق الأستراتيجية
في المنطقة القوي دي يسيطروا عليها سواء عن طريق دعم جماعات موالية ليهم للوصول للحكم أو تدميرها ذاتيا من الداخل عن طريق نشر الفتن والطائفيه لخلق
حرب أهلية تهدم كل شئ داخليا ويصبح الجيش منهك ثم تنقض القوي دي لأحتلال أو تقسيم الدول لدويلات صغيره يسهل السيطره عليها وتكون مواليه لهم ..
كان يوجد أكتر من مشروع للسيطرة علي المنطقة وبتخطيط من جهة واحدة ومستفيد واحد هو #أسرائيل ..
طب أزاي وإيه هي المشاريع دي ؟
1 ­المشروع الفارسي أو الخليج الفارسي أو الهلال الشيعي .
تستخدم إيران الشيعة في دول الخليج ومليشات تابعة لها للحرس الثوري لخلق فوضي داخلية ثم الأنقضاض علي الدولة .. وده حصل في البحرين 2011 بس
قوات درع الخليج لحقت الموقف وسيطرت عليه وماذالت المحاولات مستمرة في البحرين من إيران ..
ونجح ذلك في اليمن من جماعة الحوثي وأصبحت المملكة العربية السعودية محاطه من
اليمن جنوبا عن طريق الحوثيين وشمالا من العراق عن طريق الحشد الشعبي وشرقا من المناطق ذات الأغلبية الشيعية #القطيف .
وسوريا ولبنان عن طريق حزب الله .
2 ­المشروع العثماني التركي
هدف المشروع هو تصعيد جماعة الأخوان المسلمين للسيطرة علي البلاد الحاصل بها أضطراب وأستغلال الأحداث للصعود للحكم
ده حصل في تونس وليبيا ومصر وجنوبا هنلاقي السودان النظام بها أخواني فتصبح المنطقة تابعة لتركيا وتكون الأوامر منها والسيطرة علي ثروات البلدان
المذكورة لها .. ولكن مصر لها حالة خاصة طبقا لمكانها الجغرافي ..
لازم تعرف أن#إيران #إسرائيل #تركيا #قطر حبايب وحلف واحد سيبك من الأعلام واللي بيتقال فيه .. دي شكليات زي زي ما بنقول بالبلدي كده وتوزيع
أدوار وتسويق لمواقف بعينها من أجل هدف .. تركيا منذ تولي أردوغان رئاسة الوزراء
2001 وهو أتي بدعم ٱسرائيلي واللوبي اليهودي بأمريكا ومقابل ده أخد أكبر قرض من صندوق النقد الدولي وبدأ بعمل أصلاحات أقتصادية وعمل تحرير سعر
الصرف وخصخصة واسعة ..
بس ده مقابل ضرب العراق وأستخدام أمريكا قاعدة أنجرليك الجوية جنوب تركيا ..
قطر برضه عن طريق قاعدة العديد بها ٱضربت العراق وأتدمر الجيش العراقي اللي كان من أقوي 10 جيوش عالميا وقتها و أصبحت العراق مفتوحة لإيران
أذن #قطر #تركيا واحد وبيخدموا لنفس الهدف
الأخوان كان هيقضوا علي القضية الفليسطينية وعلي حساب أرضنا كمان .. إسرائيل 2009 عرضت فكرة تبادل الأراضي بحيث يتم نقل الفليسطيين لشمال
سيناء مربع #رفح #الشيخ_زويد #العريش مقابل أراضي في صحراء النقب
مصر رفضت وقتها شكلا وموضوعا ومش هيبقي في حل الا عن طريق مبادرة السلام العربيه وحل الدولتين علي حدود 67 علشان كده الأخوان لما وصلوا للحكم كلنا شوفنا حجم الأنفاق والتهريب بين سيناء وقطاع غزه وعدد الفليسطينين اللي دخلزا شمال سيناء وكان بيتم تجنيسهم وكان
في محاولة لتمليكهم الأرض .. وقتها أتدخل الفريق أول عبدالفتاح السيسي وزير الدفاع وأستخدم صلاحياته في منع تمليك الاراضي بأي شكل علي كامل حدود
مصر .. علشان كده حاولوا تنفيذ الفكرة والخطة دي عن طريق الأرهاب وجيشهم اللي تم أنشائه من دول كتير زي ما قال خيرت الشاطر للسيسي وهدده .. بس
بعد أسقاط نظامهم الخاين ..
بدأ الجيش في محاربتهم هناك .. عرفتم ليه
#العريش #الشيخ_زويد #رفح خط النار وشباب زي الورد بتموت فيه علشان يطهر ..
عرفتوا ليه الهجوم المتزامن في رمضان 2015 علي الكمائن في وقت واحد وأشمعني المثلث ده اللي عاوزين يعملوا فيه أماره أسلاميه المقابل لقطاع غزه ..
مش بس لحد كده .. دي نقطه في بحر .. الأخوان المفروض أن هما سنه وأيران شيعه .. بس اللي يفكر كده يبقي سطحي .. طول عمر الأخوان بتربطهم بأيران
علاقة قوية .. وده بان بزيارة مرسي ليهم وأحمدي نجاد لمصر بعد فتره طويلة من القطيعه بينا .. وكان الغرض من الزيارتين أنشاء أجهزه معلومات تابعه لهم
للجماعه ضد أجهزه الدوله السياديه وأنشاء جيش أخر أو مليشيا مثل الحرس الأيراني وده اللي كان بيتم في سيناء ثم أصبح أسمه أنصار بيت المقدس ثم ولايه
سيناء .. ولكن فشلوا برضه ..
وعلشان كده 30­6 غيرت العالم كله وغيرت موازين القوة فيه وأصبح النظام العالمي الحالي مسألة وقت لتغييره وأنشاء نظام عالمي جديد متعدد الأقطاب
وأنتهاء عصر القطب الواحد وشرطي العالم .. طب أزاي ده ؟! ..
في نفس الأيام اللي حصلت فيها 30­6
طلعت داعش فجأه كده بعد سقوط الأخوان في مصر ثم ليبيا ثم تونس وسقطوا كان في الأنتخابات ..
الخطة أتغيرت وبقي هتتنقذ بالأرهاب والقوة عن طريق داعش وسبحان الله داعش بتنتشر في مناطق الغاز والبترول بس !!
اللي بيروج للأخوان وداعش أعلاميا #قطر #الجزيرة ..
اللي بيمول المشروعين دول #قطر
لأن كان كل خطتها المشروع اللي ينجح يخليني الكبيره ودورها يكبر ..
سواء تبقي كبيرة الخليج أو عن طريق الأخوان تسيطر أقتصاديا علي المنطقة وكل الخطة بتتبللور حول انشاء خطوط لتصدير الغاز منها من الحقل المشترك
"حقل غاز الشمال" الضخم والاكبر فالعالم بين قطر وايران .
الأزمة في سوريا حصلت بسبب خط غاز !!
#خط_غاز_نابوكو
اه مفيش ثوره سيبك من فجأه كده بلد زي سوريا جنه الله علي الأرض مش مديونه لحد ..
تعليم متقدم .. دولة مصدرة ..
فجأه بشار بقي شيعي وبيقتل في شعبه ذات ٱغلبيه السنيه وطبعا تم ترويج ده وخلق فيديوهات ملفقه لتهييج الناس لحد ما الأمور خرجت عن السيطرة ..
طيب هو خط الغاز ده ليه سوريا رفضته و الهدف منه ؟
مش بس خط الغاز ده مرتبط بدمار سوريا
لا ده مرتبط بوسط أسيا وتدمير روسيا والصين وعلشان كده تم تدمير العراق وسوريا وأي قوة ممكن كانت تقف قدام تحقيقه كل اللي عاوز تعرفه عن خط نابوكو
https://goo.gl/RqQzHc
دول بقي تجميعة لفيديوهات عن كل اللي بيحصل في العالم وهو الصراع الحقيقي وليس الظاهري من ثورات شعبية ..
الصراع علي الغاز وتصديره والسيطرة عليه سواء في الشرق الأوسط أو وسط أسيا أو غرب أفريقيا وكله من أجل تصديره لأوروبا .
الغاز وقود للحروب (RT(
https://youtu.be/ClBb7Hral2c
حرب الغاز شرق البحر المتوسط (RT(
https://youtu.be/V9Onw7WTYhg
فيلم وثائقي "حرب الغاز "
https://youtu.be/HBgr6A4kGug ­: الأول الجزء
https://youtu.be/RCz4KwXgiwk ­: الثاني الجزء
ده بقي أهم فيديو اللي بيشرح مشاريع خطوط الغاز .
الخط القطري ..
الخط الإيراني ..
الخط الأسرائيلي ..
https://youtu.be/qvTasN75XCo
روسيا مش هتسمح بكل اللي فوق ده لان سوريا والعراق محور الخط وتركيا المعبر لأوروبا بس المناطق دي فيها إرهاب ولازم الخطوط تبقي أمنه مش كل يوم
لهو خفي يفجره !!
فاكرين اللهو الخفي ؟! طيب ..
روسيا واقفه قصاده لانها عاوزه تفضل المصدر الوحيد المحتكر لاوروبا وده ورقه ضغطها ومصدر أقتصادها مش هتسمح روسيا أنها تدمر أقتصاديا علشان
كده أتدخلت بثقلها في سوريا عسكريا ..
الخط الإسرائيلي مرتبط بقبرص وتركيا ..
تركيا وقبرص واليونان أعداء بسبب قبرص التركيه اللي معترف بيها تركيا بس ..
بس إسرائيل بينها وبينهم علاقات ومناورات عسكرية وتركيا كذلك بينها وبين إسرائيل تعاون عسكري كبير ..
بس إسرائيل متمتلكش محطات تسييل او بنيه تحتيه قويه للتصدير ثم كمان عشان تعمل الخط ده هتاخد وقت وتكلفة ..
بس كان فيه دولة عارفة كل ده وعلمت عليهم كلهم هي مصر اللي بتمتلك بنيه تحتيه قوية للغاز ومحطات للتسيل والضخ والتصدير لان كانت بتصدر اساسا قبل .. 2011
وعلشان كده بعد قبول الرئيس عبدالفتاح السيسي تكليف من الشعب بتولي المسئولية
كان من أولي تحركاته الخارجيه القمة الثلاثيه القبرصية اليونانية المصرية واللي أتكررت في 3 بلاد ونتج عنها تقسيم الحدود البحرية منهم ..
وزيارات متبادلة لوزراء دفاع البلدين وتم توقيع أتفاقية دفاع مشترك بحريا بين البلدين لحماية أبار الغاز وعمل مناورات جوية وبحرية بين مصر واليونان وتعاون
مشترك كمان في تصنيع السلاح .. ثم عقب ذلك بدأت الأكتشافات للغاز وأهمهم ظهر اللي كل صحف ووكالات العالم الأقتصادية والسياسية والمتخصصة في
الطاقة قالت انه هيغير خريطه العالم ودي الحقيقه .. بعد الأكتشافات مصر هتحقق الأكتفاء الذاتي وهتصدر في 2019­ 2020 وهي الفائز من اللي حصل في
المنطقه وعلشان كده بينتقموا منها ومن الرئيس السيسي وبيحاولوا تركيعنا عن طريق الأقتصاد بضرب السياحة أحد مصادر الدخل الأجنبي بالطياره الروسية ثم
حرب العملة بعد فشلهم في المواجهة العسكرية عن طريق مليشياتهم الأرهابية وده اللي خلانا ناخد قررارات أقتصادية للأصلاح صعبة ..
فنفس الوقت الرئيس زار فرنسا وعمل صفقة عسكرية ضخمة أستراتيجية وكمان بينا وبينهم شراكة أستراتيجية بصفة فرنسا دولة من دول حوض المتوسط ..
روسيا وقفت معانا وجبنا منها صفقة أسلحة غيرت التوازن فالمنطقة لأن مصر اللي أنقذتها لأن بعد مكان القلق علي حدودها الغربيه في أوكرانيا بعد الأنقلاب
بثورة ملونة علي الرئيس الموالي ليها وبقي امريكا والاتحاد الاوروبي #الناتو
علي حدودها اتنقلت بعد 30­6 لسوريا وضمت جزيرة القرم لها .. وعلشان كده كان بعد 30­6 علطول زيارة من وزير الدفاع الروسي لمصر ..
ثم زيارة الفريق أول السيسي لروسيا اكتر من مره وتوقيع صفقه سلاح لتنويع مصادر السلاح وكانت صفعه لاداره أوباما بعد تعليقه للمساعدات العسكريه
وتجميد بعض الأسلحه عن التسليم ..
طب كده روسيا هتضر مننا أقتصاديا بأكتشافات الغاز والتصدير ..
طب بوص معايا للحركه دي كده ..
أكتشاف أيني لحقل ظهر بيحتاج استثمار كبير وعلشان ننجز بسرعة جيبنا شركة روس نفت وبريتش بتريولم وأيني ..
وتوتال هتنقب بجانبهم في منطقة أخري ..
#روسيا #بريطانيا #أيطاليا #فرنسا ..
وبكده كله هيستفاد مش هيضر منك
وأنت الكسبان ..
أنت بقيت محور ومركز الطاقة .
مصادر :­
https://youtu.be/7­zbG4NZsEU
https://youtu.be/z7UwUlDHPCk
https://youtu.be/331nNwUUXBE
#القمة #الثلاثية #مصر #قبرص #اليونان
https://youtu.be/3rNFY9VP1Kw
وعلشان كده عملنا الأسطول الشمالي المصري وبنجيب سلاح علشان نحمي ثرواتنا اللي هي مستقبلنا ..
خلصنا البحر المتوسط .. نروح للبحر الأحمر
أتفاقية تعيين الحدود البحرية وداخل في نطاقها جزيرتي تيران وصنافير ..
هما سعوديتان قولا واحدا بما لا يدع مجال للشك وأي حد جيولجي وفني في التقسيم البحري يعرف ده وده من زمان وبيه قرار جمهوري بتاريخ 9 يناير 1990
وتم ايداعه في الأمم المتحده .. الجزيرتين بعد خط المنتصف بيقعوا ضمن حدود المياه الأقليميه السعودية ..
دي صورة بتوضح ده :­
http://i.imgur.com/6Ytic4c.jpg
متجبليش خريطة من زمان وتقولي مش عارف ايه وتهري
لان هجبلك خرايط تخلينا نعمل هاشتاج السودان مصريه هي وأثيوبيا وغزه وشرق ليبيا وغرب السعودية وليله كبيره اوي سعادتك ومش هنخلص ..
اللي بيتكلم في الموضوع ده المفروض اللي بيفهم بس ..
أصله موضوع فني بحت مش عاركه فخماره ..
زي فاروق الباز ومفيد شهاب اللي كان ضمن الفريق اللي رجع طابا .. وناس كتير خبراء أجتمع بيهم رئيس الجمهورية وده مع أطلاعه علي الأرشيف السري
لأجهزه الدوله السياديه والرئيس شرح كل حاجه ..
كلمة الرئيس بالوثائق والمستندات ..
https://youtu.be/cDW5ZGGxIq0
ده تقرير شامل عن الجزيرتين وأجابة لكل التساؤلات .. ملف pdf
https://goo.gl/vH34ON
شرح للأتفاقية من عالم المصريات والتاريخ د.وسيم السيسي .
https://getsnap.link/cHfjzxUALRm
طب ده مات لينا جنود علي الجزيرتين ؟
بطل هري بس يا بابا شوف ده :­ yhY2z2/gl.goo://https
طب بالنسبه للمضيق وموقعه الاستراتيجي ونقدر نتحكم فالملاحه فيه والسفن ؟؟ بتعرف تقرأ ؟
أقرأ كده ..
وقالت الحكومة المصرية إن علاقة مصر بالجزيرتين لا تنتهي بسريان الاتفاقية ؛ بل إن الاتفاقية تنهى فقط الجزء الخاص بالسيادة، لكن هناك اتفاق على حماية
مصر لهذه المنطقة لدواعي الأمن القومي المصري السعودي في الوقت نفسه، مؤكدا أن الأشقاء السعوديين تفهموا ضرورة بقاء الإدارة المصرية لحماية
الجزر، وحماية مدخل خليج العقبة وتأمين الملاحة البحرية.

ده تقرير مجلس الوزراء ونشره موقع العربيه السعودي .
https://goo.gl/EL95LN
يعني ايه كلام الحكومه ده ؟؟
يعني هما بعد الترسيم الجزيرتين بتوع السعوديه واحنا عارفين واتفقنا معاهم يفضلو تحت ايدينا لاعتبارات الامن القومي وهما وافقوا ومتفهمين ..
يعني هيفضلوا معانا والحق علي الورق رجع لأصحابه وهنقب عن ثرواتنا ونطلع الخير بدون عوائق ..
طب حكم القضاء الإداري ومجلس الدولة ..
وهما من امتي القضاء بيحكم في قضايا ذات سياده ده من صميم عمل البرلمان .. والمحكمه الدستوريه هتفصل في ده عموما .. ثم القضيه مسمهاش الحكم
بجزر مصريه او سعوديه
أسمها تعيين الحدود البحريه بين مصر والسعوديه ..
زي ما عملنا مع قبرص واليونان ..
بس أشمعني دول محصلش عليهم كلام ومشاكل والبرلمان وقع علي الأتفاقيه .. الهدف التشكيك في الدولة ومؤساستها
هو مش اللي بيقول مصرية ده ومتحمس اوي اغلبيتكم بينطق مصر ماسر او مسر وعايش في دونيه واحتقار لنفسه وبلده
وطنيتك نقحت عليك فجأه ؟؟
هو مش السيسي مات وده الدوبلير بتاعه ؟
هو مش أمه يهوديه ؟
بطلوا تخلف وغباء بقي ..
طب ايه اساسا الهدف من الأتفاقيه وليه جسر الملك سالمان وليه الوقت ده ؟!
الأتفاقيه هي تعيين الحدود البحرية زي ما عملنا في المتوسط وهتتوقع وتبقي رسمي ..
و هنقب عن الغاز والبترول يعني خير لينا يعني هنصدر بشكل كبير وهنبقي قوه أقتصاديه ومش هنصدر خام بس أومال بنعمل مصانع بيتروكيماويات هي الاكبر
في الشرق الاوسط ليه ..
مصر بتمتك خط أنابيب أسمه سوميد في خليج السويس لحد سيدي كرير بالأسكندرية وده خط نثل غاز والبترول ومع الأكتشافات المتوقعه هينقلها للبحر المتوسط
ومنها لأوربا وهي دي البنيه التحتيه اللي بنتملكها وأتكلمت عليها .
اعرف أكتر عن خط سوميد بينا وبين السعوديه .
سوميد_أنابيب_خط/http://www.marefa.org/index.php
مصر بتعمل أكبر مجمع بيتروكيماويات في الشرق الأوسط وبتتوسع في الصناعة دي اللي كانت #قطر محتكره سوق التصدير فيها وعلشان كده كانت هي اللي
وراء حملة منع مصنع موبكو في دمياط ودفعت فلوس كتير أنه لازم ميكملش .. مصر في البحر الأحمر تحديدا العين السخنه في خليج السويس بتعمل أكبر
مجمعين للبيتروكيماويات منهم قطاع خاص وأستشمار أجنبي ومنهم تابع للجيش مجمع النصر . .
مصانع البيتروكيماويات بتتعمل علشان متصدرش الغاز خام وتعمله قيمة أضافيه عن طريق تنصيع منتجات بقيمه وعائد اضعاف متبيعه خام .
المصانع بتتعمل في نفس وقت أكتشافات الغاز ..
أربط الأحداث والتنفيذ ببعض ..
مصادر لمصانع البيتروكيماويات ..
https://goo.gl/q4Hkyl
https://goo.gl/5jRA1H
طب الجسر ليه و إيه فايدته لو أتنفذ فعلا ..
الجسر هيربط بين أفريقيا وأسيا وهيبقي ممر عبور تجاري ضخم ومع الأصلاح الأقتصادي المصري والتوجه للصناعه والتصدير بدل ما المنتجات التركيه
مغرقه المنطقه .. مصر هتغرقها عن طريقه في الخليج لان الجسر هيكون سريع جدا لحركة التنقل .. مش بس كده وكمان ليه هدف عسكري لسرعة نقل القوات
للدفاع عن الخليج في حال أي هجوم أيراني متوقع ..
عن طريق قوات التدخل السريع اللي تم أنشائها ..
#مسافة_السكة ..
فيديو يوضح تفاصيل الجسر :­
https://youtu.be/aPypqmtJNxw
مش بس كده ده كمان مرتبط بمحور قناه السويس والصناعات اللي هتتعمل فيه سواء ثقيله او دوائيه او تكنولوجيه وده هيساعد في حركه التصدير كتير شرقا
للخليج ومع محور 30 يونيو اللي بيبدأ ببورسعيد وحتي جنوب مصر وبيربط الوجه البحري عن طريق الطريق الدولي الساحلي ومحافظات القناه بالجنوب ..
ومحور روض الفرج الضبعه الاسكندريه مطروح مرتبط بيه برضه يعني بنربط كل مصر ببعضها ..
مسار محور 30 يونيو
https://youtu.be/7Aou8CjVPnM
فيديو كمان بالمره مش حارمكم من حاجه أهوه لأعمال تنفيذه علشان اللي بيقول فنكوش وهكذا
https://youtu.be/MXNf6fnoIXc
محور روض الفرج
https://youtu.be/LjFwhZRjjLg
https://youtu.be/vMfA2eR8XbA
https://youtu.be/NzHwTzZNtGs
الجزيرتين سعوديتين وهيفضلوا تحت الإدارة والسيادة المصرية وده لدواعي الأمن القومي وهما وافقوا علي ده ..
الموضوع مش لحد كده بس زي ما أتكلمنا عن خطوط الغاز ومشاريع التقسيم فيه برضه محاولات للسيطرة علي المضايق والقنوات أو إنشاء غيرها إذا
أستعصي الأمر للسيطرة عليها ..
وعلشان كده الخليج العربي وخليج هرمز بقي أسمه فارسي وإيران بتحاول في باب المندب بعد سيطره الحوثي علي اليمن ..
وإسرائيل كان في فكره لتنفيذ خط سكه حديد من ميناء ايلات وحتي ٱشدود بديلا لقناه السويس وعلشان كده عملنا قناه السويس الجديده لتكون قناه غير قابله
للمنافسه وفنفس الوقت مع محور قناه السويس كمشروع كاملا بقي بوابه تنميه سيناء ..
كنا بنقول هنعمر سيناء امتي ده أكتر حاجه توجع اسرائيل ..
ٱديني بنعمر سيناء بمدينه الآسماعيليه الجديده
وبورسعيد الجديده ورفح الجديده وشبكه أنفاق تربط الشرق بالغرب فاسرع وقت وكمان تنقل اي قوه عسكريه بسرعه ومع الحرب علي الارهاب بقي عندنا قوات
في سيناء دايما وكمائن منتشره بتسليح ثقيل ومع تطوير مطار المليز والعريش والموانئ بالمنطقه ده غير المدن الصناعيه زي مدينه الرخام ومصانع الفوسفات ده
الزراعة عن طريق مياه النيل من محطه سرابيوم ..
سيناء هتبقي مستقبل مصر وباللي عملناه ده غيرنا أتفاقيه كامب ديفيد وشروطها وتثبت ان السادات كان عنده حق ان الارض مقابل ورقه سلام هتتغير الظروف
وهنفرض شروطنا وارضنا بقت عندنا وعمرناها وقواتنا فيها في كل شبر ..
بعد كل اللي قريته ده ..
ده يوصلنا لنقطه ان المشاريع اللي بتحصل والاتفاقيات وكلمه الرئيس احنا معندناش وقت وضغطه للوقت في التنفيذ دايما
مش كلام كده .. ده خطه موضوعه بتتنفذ بحرفيه شديده وكل خطوة بحساب ..
وده المشروع المصري بقي اللي كله خير للمنطقه وبنتعامل فيه بشرف في زمن عز فيه الشرف .
وده يوصلنا برضه أن عنوان مقالي السابق مصر ملكة البحرين مش من فراغ وأنه واقع .
فيلم وثائقي عن كل المشاريع القومية وأنجازات الدولة خلال 3 سنين صوت وصورة من أرض الواقع وفيه كل اللي أتكلمت عنها ..
متع عينك وصفي قلبك وعقلك وكفايه سواد لو عندك منه ..
https://youtu.be/nT30GfwO6X8
بعد كل اللي قريته ده قطر وتركيا فشلوا في مهمتهم برغم الدمار اللي حصل للدول والأثار السلبيه بس العار هيلاحقهم والتاريخ هيكتب ده ..
هيكتب ان مصر كانت بتخوض #حرب_وجود وبتتعامل بشرف وانتم بتتأمروا وبتدعموا الأرهاب وبتستخدوا الدين لتحقيق اهدافكم الاقتصاديه وطموحاتكوا
السياسية ..
كلها مسألة وقت ومصر هتقتص منكم وهتاخد حقها ..
وعلي فكره احنا لسه مكبرناش احنا بدأنا نشم نفسنا بس ..
أنما لما نكبر هيبقي أمر له العجب .
#قطر #تركيا أكتر دولتين مضرورين من الغاز المصري والسعودي لأن قضي علي مشاريعهم وأصبحوا خارج المنافسه لان مفيش خط غاز هيوصل لأوروبا
من تركيا ..
علشان كده كلابهم هي اللي بتنبح ..
يلا بالشفا ..
في النهاية مصر هتبقي قوة عظمي أقتصادية وسياسية وعسكرية وحجزت مكانها في نظام عالمي بيتشكل حاليا وبدأ بخروج بريطانيا من الأتحاد الأوروبي ..
السيسي أول رئيس يزور وزارة الدفاع الروسية والأمريكية ..
مصر أول دولة تمتلك أقوي مروحيتين هجوميتين في العالم #الأباتشي #التمساح ..
مصر هتنضم للبريكس وهتحضر القمة في سبتمبر القادم بدعوة من الصين .. Fv9JZu/gl.goo://https
مصر مشتركة في طريق الحرير ..
مصر بخطة 2030 هتبقي من أكبر 20 ­30 دولة فكافة المجالات في العالم ..
فيديو توضيحي لأسترتيجية التنمية المستدامة رؤية مصر 2030 .. EvP5KB/gl.goo://https
مصر أكبر شريك أقتصادي وعسكري للأتحاد الأوروبي ..
مصر مركز الطاقة في العالم .
مصر ملكة البحرين .
مصر أقوي جيش عربيا وأسلاميا وأقليميا والعاشر عالميا و بعد تنفيذ خطة التسليح 2030 هيبقي من أقوي 6 جيوش في العالم .
مصر أول دولة في الشرق الأوسط تمتلك حاملة مروحيات وقيادة و أنزال برمائي ..
أول دولة تمتلك قوات مشاة بحرية وقوات جوية للأسطولين البحريين ..
أول دول تمتلك قوات تدخل سريع بريا أو جويا .
أول دولة تمتلك أسطولين بحريين مثل الدول العظمي .
مصر أم الدنيا وهتبقي قد الدنيا ..
مش بالكلام اللي ممنوش فايده والسف والتريقه والتشكيك والأشاعات وترويجها وتزييف العقول ..
هتبقي قد الدنيا بالعمل والعرق والصبر والتحمل والتخطيط المدروس .
مصر قلب العالم

أُضيفت في: 22 يونيو (حزيران) 2017 الموافق 27 رمضان 1438
منذ: 2 سنوات, 3 شهور, 15 ساعات, 19 دقائق, 18 ثانية
0

التعليقات

132694
أراء وكتاب
تونس تنتخب وتصنع تاريخًاتونس تنتخب وتصنع تاريخًاسري القدوة2019-09-21 23:14:33
محو الأمية .. مطلب قومى ووطنى عاجلمحو الأمية .. مطلب قومى ووطنى عاجلنبيل المنجى محمد شبكة2019-09-19 22:12:04
انتصار تاريخي للقائمة العربية المشتركةانتصار تاريخي للقائمة العربية المشتركةسامي إبراهيم فودة2019-09-19 08:40:17
على أطلال القلب المهدمعلى أطلال القلب المهدمإبراهيم يوسف2019-09-16 17:15:04
صرخة عبر الزمنصرخة عبر الزمنسلام محمد العامري2019-09-12 06:17:29
إبداعات
ناطحات سحاب شيكاغوناطحات سحاب شيكاغوطيرا الحنفي2019-09-23 01:48:31
رد الجميلرد الجميلشفيق السعيد2019-09-21 17:37:07
علي .. الحسين ( قصيدة )علي .. الحسين ( قصيدة )ايفان علي عثمان 2019-09-20 00:29:50
مضطهدٌمضطهدٌحيدر حسين سويري2019-09-19 20:11:10
مُعَلَّقَاتِي الْمِائَةْ {62}مُعَلَّقَةُ هَمَسَاتِ قَلْبِيمُعَلَّقَاتِي الْمِائَةْ {62}مُعَلَّقَةُ هَمَسَاتِ قَلْبِي محسن عبد المعطي محمد عبد ربه 2019-09-15 20:59:24
طريد الليل ..البحر البسيططريد الليل ..البحر البسيطابراهيم امين مؤمن2019-09-15 09:07:34
مُعَلَّقَاتِي الْمِائَةْ {60}مُعَلَّقَةُ الشُّعْلَةْمُعَلَّقَاتِي الْمِائَةْ {60}مُعَلَّقَةُ الشُّعْلَةْ محسن عبد المعطي محمد عبد ربه 2019-09-14 13:22:19
مُعَلَّقَاتِي الْمِائَةْ {59}مُعَلَّقَةٌ مِنْ نَارِهَامُعَلَّقَاتِي الْمِائَةْ {59}مُعَلَّقَةٌ مِنْ نَارِهَا محسن عبد المعطي محمد عبد ربه 2019-09-12 04:38:59
مساحة حرة
موعد مع الحظ ....؟موعد مع الحظ ....؟ناديه شكري 2019-09-17 18:24:06
الف نيلة ونيلهالف نيلة ونيلهاسماعيل عوض توفيق2019-09-17 17:55:32
اكله كباباكله كبابشادي محمد مختار2019-09-14 16:35:02
بشبيش بلا مستشفى حكومىبشبيش بلا مستشفى حكومىجمال المتولى جمعة 2019-09-11 16:52:00
يا ظريف الطوليا ظريف الطولإبراهيم يوسف2019-09-07 20:11:05
أئمة من ورق-03-أئمة من ورق-03-جمال غريس2019-09-06 18:54:45
aلتعيش أكثر شوية ابتعد عن السيجارة الإلكترونيةaلتعيش أكثر شوية ابتعد عن السيجارة الإلكترونيةدوسلدورف/أحمد سليمان العمري2019-09-02 20:04:06
html slider by WOWSlider.com v8.0
الأكثر قراءة
شباب مصر على تويتر