GO MOBILE version!
سبتمبر24201910:07:42 مـمحرّم241441
الطبخة الشيطانية وقناة الجزيرة و الكومبارس النصاب
الطبخة الشيطانية وقناة الجزيرة و الكومبارس النصاب
سبتمبر24201910:07:42 مـمحرّم241441
منذ: 20 أيام, 7 ساعات, 15 دقائق, 45 ثانية

الواد زعبوله عمال يَلْسَن فى الكَفْرُ كله ويقول : قناة الجزيرة فرحانة قوى بالواد الكومبارس النصاب اللى ابوه واخوه وامه فضحوة وقالوا عليه ماقاله مالك في الخمر ولسه فيه خرفان مصدقاه.انت عمرك شفت ياعم فرشوطى قناة في الدول المتحضرة شغالة ليل ونهار تبث أكاذيب وشائعات ضد دولة أوروبية تانية ؟
قلت : لأ والله يا زعبوله مافيش غير القناة الغيرمهنية دى من أيام صدام وهى شغالة على التحريض و اثارة الرأي العام بأى طريقة.
قال زعبوله : طيب القناة دى مش شعارها الرأي والرأى الأخر؟
قلت : نفس شعار الإخوان "الإسلام هو الحل وعلى القدس رايحين.
قال : يعنى كله ضحك على الناس الغلابة الجاهلة ؟
قلت : العالم العربى والإسلامي معظمه لا يقرأ جيدا ولا يجيد التفكير ولا يطيق الصبر وانتظار النتائج ببغاوات تردد ما تسمعه دون تمحيص وقليل من التدبر. ويقول أحمد شوقى فى مسرحيته «مصرع كليوباترا» على لسان «حابى»: اسمع الشعب ( ديون) ... كيف يوحون إليه !
ملأً الجوَّ هتافاً ... بحياة قاتليه .. !
أثر البهتانُ فيه .. وانطلى الزور عليه
ياله من ببغاء ٍ .. عقلُه فى أُذُنَيْه…!!
قال زعبوله: معنى ذلك انهم يريدون جرّ الغوغاء إلى إشعال نار الفتنة الغاشمة لتدمير معظم البلدان العربية ،بس انا حاسس ان قناة الجزيرة دى نفسها تدمر السعودية وجيش مصر.... طول النهار والليل تستضيف اشخاص يهتفون بحياة الجماعة الإرهابية التي تقتلنا وتحاربنا وليس لهم هم غير دعوات تحريضية من أجل اشاعة الفوضى وزعزعة استقرار الدولة المصرية. ممكن اعرف ايه سبب الحقد والكره ده على مصر وجيشها؟
قلت : فاكر يازعبوله أيام طائر النهضة لما كان له مؤخرة وريش ؟
- فاكر ياعم فرشوطى فاكر ايامه السودة لما رئيس الإخوان تنازل عن إقليم القناة لصالح دويلة قطر التى ترتدى جلبابا وعقالا إسرائيليا.
الله ينور عليك يازعبوله .. وفاكر كمان لما رئيس الأهل والعشيرة اتفق مع «تميم بن حنكوش» على طبخة مسمومة للإجهاز على الوطن ودماره وكله بسم الدين.
- ايوه ايوه فاكر ياعم فرشوطى بس مش عارف الطبخة دى كانت عبارة عن ايه؟
قلت : الطبخة دى يازعبولة كانت عبارة عن الدولة " اللى هى أم الدنيا مصر" تتنازل عن سلطاتها عن إقليم القناة ويبقى من حق بن موزة إدارة الإقليم وعمل محاكم خاصة به وله حق الاستعانة بغير المصريين ...ايكشي حتى يكونوا صهاينة فى إدارة المشروع ويصبح بن موزة هو اللى يدير المشروع وهو اللى يحاسب ويراقب ميزانية المشروع وكمان من حق «تميم » إدارة المشروع وتحديد الأراضي حول القناة التى يريد أن يمتلكها .
قاطعنى زعبوله قائلا :ايوه ايوه علشان كدا قطر قدمت للأهل والعشيرة شوية مليارات على شكل وديعة ! وصمت فترة ثم قال بعد ان اشعل سيجارة وشد نفسا عميقا :طيب ياعم فرشوطى عايز اعرف بتوع الأهل والعشيرة كانوا قاعدين يشربوا زنجبيل ويا خدوا أوامر من ابن موزة وخلاص؟
قلت : ايوه يازعبوله ابن موزة قال لهم امرا لا يجوز محاكمة أى مسئول فى هذه الهيئة أمام المحاكم المصرية ولا يجوزسريان القوانين المصرية على هذا الإقليم.
قال زعبوله ساخرا :قوم ايه الجماعة بتوع طائر النهضة صلوا الظهر حاضر ودعوا ربنا بالنصر المبين وفتح عكا وتحرير فلسطين وان ربنا يصلح لهم امورهم ويصبح اقليم القناة قطريا تديره الست مرجانة "موزة"وابنها تميم ".ويتحكموا في القناة وفى مصر .
هو دا اللى حصل بالضبط يازعبوله ولكن الجيش المصري خير اجناد الأرض كان لهم بالمرصاد.
قال زعبوله : دى ماكنتشي اهل وعشيرة دول شويه افاقين رخاص يبيعوا نفسهم للي يدفع وبس .... ياسنة سوخة ياعم فرشوطى دى كانت جماعة مرتزقة وخونة لا يهمهم وطن ولا دياولو يهمهم تنفيذ مخطط شيطانى لهدم البلد وبيعها لأبن موزة من أجل حفنة دولارات لشراء ذمم واسلحة لتكديسها لمحاربة الشعب لو اكتشف امرهم و ثارعليهم.

-هنا وقف جيش مصر العظيم وأقدم الجيوش النظامية فى العالم ضد ابن موزة وقال لهم على جثتى ياغجر.
قال زعبوله : يبقى انكشفت ياعم فرشوطى وعرفت ليه الجزيرة الاخوانية بتحقد على الجيش وعلى رئيس مصر الشجاع الذى قضى على المشروع الإخواني الشيطاني في القناة وفى سيناء.
قلت : لا تحمل هما يازعبوله لان الجيش المصري أثبت دوماً بأنه فوق كل الصغائر فهو جيش وطني شريف وليس جيش حراب وليس جيش رئيس,ولا جيش شلة وعشيرة ولا قبيلة انه خير اجناد الأرض .

أُضيفت في: 24 سبتمبر (أيلول) 2019 الموافق 24 محرّم 1441
منذ: 20 أيام, 7 ساعات, 15 دقائق, 45 ثانية
0

التعليقات

149986
أراء وكتاب
إبداعات
شَعر النهارشَعر النهارمحمد جمعة2019-10-12 18:06:55
أردو الأردوغانىأردو الأردوغانىشفيق السعيد2019-10-12 09:27:17
احتراق سوق سيدي يوسف باكاديراحتراق سوق سيدي يوسف باكاديرطيرا الحنفي2019-10-11 19:22:00
الجنازة في لباس الفرحالجنازة في لباس الفرحالشاعر / أيمن أمين2019-10-09 12:13:28
لن تتمكّنوالن تتمكّنواعبدالعزيز محمد جاب الله2019-10-08 20:30:12
حان التّعلّم والنجاةحان التّعلّم والنجاةعبدالعزيز محمد جاب الله2019-10-08 19:18:14
بيوت القصديربيوت القصديرفوزية بن حورية2019-10-02 23:23:56
مساحة حرة
تحيا مصرتحيا مصرسميرة محمود أبو رقية2019-10-08 22:16:35
النظافة قيمة انسانيةالنظافة قيمة انسانيةجمال المتولى جمعة 2019-10-06 08:29:53
العاصمة الادارية مستقبل مصرالعاصمة الادارية مستقبل مصرشادى وجدي2019-09-26 15:40:48
عبدالفتاح النجار من الرواد الاوائلعبدالفتاح النجار من الرواد الاوائلجمال المتولى جمعة 2019-09-25 21:33:09
معرض عمان الدولى للكتاب 2019معرض عمان الدولى للكتاب 2019هانم داود2019-09-24 18:30:10
من الصف (2)من الصف (2)سعيد مقدم أبو شروق2019-09-23 08:29:12
موعد مع الحظ ....؟موعد مع الحظ ....؟ناديه شكري 2019-09-17 18:24:06
html slider by WOWSlider.com v8.0
الأكثر قراءة
شباب مصر على تويتر