GO MOBILE version!
أكتوبر1220196:06:55 مـصفر121441
شَعر النهار
شَعر النهار
أكتوبر1220196:06:55 مـصفر121441
منذ: 3 شهور, 6 أيام, 6 ساعات, 58 دقائق, 42 ثانية

ما تسرحيش شَعر النهار
شعر النهار ... المستعار
دا مستخبي من زماااااان
في جدار خرف
وسقفه منقوع في القرف
بهتان وزييف
عشش علينا بدون عطا

ل تقصقصيه أو تستريه
تحت الغطا
او تحدفيه
ف بير النهار
ولا تشليش هَم السحاب
ساعة غياب الأفئدة

سيبي ضبابك ينكشع
يخلص بذنبي اللي عشق
لما قبلت احفظ بجهل
في رقبتي كان الطوق تمن
اساطير ملل .....
بهتت خلل
وخرافة زادت عربدة

انا عشت موال رطرطه
زيحي من امامي
درويش هلامي
ماشي يهرتل بالكلام
محني القوام بيقول مدد
بين دا و دا
هو دليل جيل بعد جيل
عايش معاني للهدد
هايص في دنيا السعبطه

راجعي ف كلامي
وارمي ركامي
بكفاية غلب و مرمطه
عيدي المنابر
وبلاش نكابر
ضخ الحناجر
تخاريف حكاوي ملخبطه

شيلي القرف من فوق دماغي
ربطاني ليه..؟
انا ليه دماغي مربطه... ؟
انا ليه دماغي
داخل حدود المنطقه
حالفه ما تخرج
خارج حدودها الضيقه ؟

تشوف تميز
تلغي القشور المرهقه
والمعتمه و المبهمه المتشعلقه
على باب قبور الأوليا

أصرخ صراخ ...
صوتي بعويل
انا فين مناهجي الملهمة
انا ليه دماغي مقدمًا
بتلغي كل الأسئلة ؟
هو احنا فين بين الأمم ؟
طب ليه حالتنا حشو زور ؟
من خلف صندوق النذور
فارشين حصير المجذوبين
حافظين صراخ المبعوتين
من الف او الفين سنة
و بقت خيبتنا متلتله

ملعون ابو الجهل المهين
تفاسير تزيد البله طين
وفتاوي عك وابور طحين
كاسر طموحنا و فكرنا
رايحين لفين كالميتين
ابدًا ما بنبص لسما

وعشان كده متأخرين
راجعين بسرعة الف ميل
للجهل و البؤس المبين
ونقول مدد سيدنا الحسين
مولد مقام السيدة

كل الموالد عندنا
شخاليل عرايس أو غنا
عجوه و حلاوة و كوز درة
مراجيح تطوح همنا
تطلع تشلح وضعنا
علشان نبان بين الآنام
همجيه من كومة غبا

راسخ مؤسس من زماااااان
لحد ما روحنا في كازوزة
متجرجرين على وشنا
ومبحلقين متأكدين
ان الحياه دنيا و دين
( متغفلين ) طابت لنا

ما تسرحيش شَعر النهار
وقصقصيه ......
ارميه بعيد
خلينا نلحق من جديد
نفهم بقى معنى الآيات
بالحكمة مش بالأحجبة

ناخد سبب للمعطيات
براهين حرام كلمة ربا
تدابير حالتنا المرعبة
زادت تطرف و انحراف
في كل معنى مفيش ثقة
مفيش حقيقه مؤكدة
يا ربنا

الحفظ كان باب للجحيم
باب للحكاوي المزعجة
باب للفتاوي المجحفة
في غياب معيب للأفئدة
والدين برئ ...
من عهد ( موسي )
لعهد ( عيسي )
ولا دين (محمد) قال كده
 

أُضيفت في: 12 أكتوبر (تشرين الأول) 2019 الموافق 12 صفر 1441
منذ: 3 شهور, 6 أيام, 6 ساعات, 58 دقائق, 42 ثانية
0

التعليقات

150219
أراء وكتاب
كيف ستكون المواجهة بين ايران وامريكاكيف ستكون المواجهة بين ايران وامريكاحيدر محمد الوائلي2020-01-07 10:30:10
وثيقة الخلاص من الناروثيقة الخلاص من النارإبراهيم يوسف2020-01-06 12:27:48
الخروج عن السَّطرالخروج عن السَّطرالدكتور: رشيد عبّاس2020-01-06 11:43:19
التحرش والانتماء الوطني!!التحرش والانتماء الوطني!!محمود سلامه الهايشه2020-01-04 15:45:29
حلم الرئيس التركي سرابحلم الرئيس التركي سرابرفعت يونان عزيز 2020-01-02 12:27:00
كل عام ووعينا بخيركل عام ووعينا بخيرعبد الرازق أحمد الشاعر2019-12-31 22:14:53
2020 عام التنمية والبناء2020 عام التنمية والبناءجمال المتولى جمعة 2019-12-31 19:08:13
إبداعات
ليلةٌ باردةليلةٌ باردةمروة عبيد2020-01-12 12:20:45
في رثاء محمد شحرورفي رثاء محمد شحروربنعيسى احسينات - المغرب2020-01-12 11:13:09
دعونيدعونيكرم الشبطي2020-01-10 18:46:36
أنهكني إدراكي ..أنهكني إدراكي ..نورا محمد 2020-01-10 17:04:42
الْعِيسَوِيَّةْالْعِيسَوِيَّةْ محسن عبد المعطي محمد عبد ربه 2020-01-10 13:08:36
كارلوس غصن وخرائط جغرافيا النفوذكارلوس غصن وخرائط جغرافيا النفوذطيرا الحنفي2020-01-08 22:21:50
فلسفة الموت حياةفلسفة الموت حياةكرم الشبطي2020-01-08 18:58:02
المنطقة ملتهبةالمنطقة ملتهبةكرم الشبطي2020-01-07 21:07:59
حـبيبتي من تكــونحـبيبتي من تكــونسامي ابراهيم فودة2020-01-07 13:50:40
لا تشك أبدالا تشك أبداكرم الشبطي2020-01-05 18:03:37
الكأس في يدك يداعبنيالكأس في يدك يداعبنيكرم الشبطي2020-01-04 21:31:25
مساحة حرة
html slider by WOWSlider.com v8.0
الأكثر قراءة
شباب مصر على تويتر