GO MOBILE version!
أكتوبر2520199:33:01 مـصفر251441
في عيادة الأسنان ......الجزء الثاني
في عيادة الأسنان ......الجزء الثاني
أكتوبر2520199:33:01 مـصفر251441
منذ: 7 شهور, 1 يوم, 3 ساعات, 2 دقائق, 59 ثانية

 ثم قال له دكتور الأشعة ....
المرة دي الأشعة طلعت تمام إتفضل يا أستاذ أحمد...
ينظر في الساعة ....الساعة 12
معادي مع الدكتور يوم الإثنين ...
الو ....
أنا أحمد علي متابع مع دكتور محمود أجي الساعة كام لو سمحتي؟
الدكتور هيجي الساعة 10 في عشر أفراد قبلك حاجزين
يبقى حضرتك تيجي الساعة 12
وهنتظر كتير ...
لا إن شاء الله هتدخل على طول
كان أحمد علي موظف حكومي من خريجي كليات التجارة التي تملأ معظم مصر أم الدنيا وظل فترة عاطلًا عن العمل حتى حصل على وظيفة حكومية طبقًا للمثل القائل "إن فاتك الميري إتمرغ في ترابة" كناية عن أهمية الوظيفة الحكومية والتمسك بها وعدم تركها ومع إن هذا المثل ظل لفترة طويلة مشهور بين المصرين لهذا السبب للتمتع بالمعاش وبالمزايا الأخرى إلا أن المثل يعود إلى عصر الرومان والمثل أُطلق في هذا الحين فكان يُزرع القمح ويُسمى "بالميرة" وكان ممنوع منع باتُا على المصريين أن يحصلوا على القمح ولا حتى حباية واحدة إلا بأمر الحاكم الروماني وكان القمح يوضع في صوامع من تراب والمصري إذا لم يأخذ حقة إجحافًا وظلمًا وعدوانًا من الإمبراطور الروماني يذهب في البحث في هذا التراب عسى أن يجد ما يكفي قوتة في البحث عن القمح في هذا التراب .....
ومن هنا جاء المثل إن فاتك الميري إتمرغ في ترابة ومع مرور الزمن والحقب تحرف هذا المثل .......
كان لاحمد على ثلاثة أبناء عبد الرحمن في الصف الثالث الإعدادي ومجدي في الصف السادس الإبتدائي وسماه مجدي على إسم عمة الذي كلن يحبة حبًا جمًا لحبة وحنانة علية ومات في بداية شبابة في حادث مروري وكان عازف جيتار وكان وسيم وكان يتمنى أن يكون مثل عمر خورشيد وسبحان الله مات نفس موتة عمر خورشيد وظل يتذكرة كثيرًا وعلق الصورة في مدخل شقتة في واجهة الصالة ليتذكرة دومًا....
وإبنتة الصغرى سندس في كي جي تو.....
ذهب أحمد علي في الميعاد المحدد لعيادة الأسنان
السلالم كثيرة والأسانسير معطل
أخذ يلهث وبكلمات متقطعة
دووو..دوري جه يأ انسة؟
أه ثواني
تعالى إتفضل
سلام عليكم يا دكتور
عليكم السلام
الأشعة أهي
تمام
إتفضل ع الكشف
يفتح فمة ويشاهد الدكتور وهو يُعبئ حقنة البنج ويطرد الهواء الزائد وهو يرتجف من شكل الإبرة....
إفتح بقك شوية كمان
يارب يارب....
يردد في سره
بالرغم من كبر سنه إلا أنه مثل الأطفال الصغار يخاف خوف رهيب ويرتعد من منظر الحقنة
بالراحة يادكتور الله يخليك
ايه أنت مش راجل والا ايه خليك جامد كده دي شكة بسيطة مش هتحس بيها خالص
امال هتعمل ايه بعد كده لسة مشوارنا طويل.....
قعد برة شوية لحد ما البنج يشتغل
عندما يخرج من حجرة الكشف يجد الوجوه التي رآها أول مرة
ياخبر نفس الوجوه اللي شفتها المرة اللي فاتت يبحث عن كرسي يجلس فيه
ايه الستات دي كلها ؟ ستات مصر كلهم جت هنا ولا ايه
جلس بجوار سيدتان لم يجد غير هذا المكان
قالت إحداهما أنا مش عارفة أكل خالص على سناني ولا أشرب لا سخن ولا صاقع وكشفت المرة اللي فاتت وقالي سنانك سليمة والحمد لله وكان ناقص يقولي أنا مش شايف غير صفين لولي بس قالي زيادة تأكيد إعملي أشعة على ضرس العقل يجوز يكون مسوس ....
نظر إليها
فقال في سره دي حلوة أوي يخربيت جمالك .....
ليه يارب مارزقتنيش بواحدة حلوة كدة بدل شوال البطاطس اللي عندي دي
اه لو معايا فلوس ......
نادت الممرضة أحمد علي
يا نهارليل نسيت إني واخد بنج
يدخل حجرة الكشف ويصعد على الكرسي
هتعمل إيه يا دكتور
هخلعلك الضرس المسوس واللي جنبه هحشيهولك حشو مؤقت
يمسك في حامل الكرسي
يقول في سرة يا مغيث أغثني يا مغيث أغثني وكأنه في عرض البحر يصارع الأهوال
يقاطع الدكتور
لوسمحت يا دكتور ممكن أشغل التليفون اسمع حاجة
يا بني مالك كدة هو انا بعملك عملية جراحية ده خلع ضرس وحشو وخلعت ضرسك خلاص وخمس دقايق وهنخلص
روح هات تليفونك واسمع اللي انت عايزة لو ده هيريحك
يشغل الهاتف على أغنية أم كلثوم حيرت قلبي معاك
يسرح مع الأغنية...
الدكتور : حط القطنة دي ودوس عليها.......
خلصت بسرعة يا دكتور؟!......
أه خلصنا......
إشرب عصائر مثلجة بعد ساعة وخد العلاج ده وتعالى زي النهاردة يوم الإثنين.
يتبع...

أُضيفت في: 25 أكتوبر (تشرين الأول) 2019 الموافق 25 صفر 1441
منذ: 7 شهور, 1 يوم, 3 ساعات, 2 دقائق, 59 ثانية
0

التعليقات

150395
أراء وكتاب
مواقف مخزيةمواقف مخزيةالدكتوره ريهام عاطف2020-05-16 21:28:36
أجراس  التظاهرات تقرع من جديدأجراس التظاهرات تقرع من جديدعلي الكاش2020-05-08 20:43:16
فضيحة فصيحةفضيحة فصيحةحيدر محمد الوائلي2020-05-08 16:36:43
الأخلاق  .. حجر الأساس لبناء مصنا الغاليةالأخلاق .. حجر الأساس لبناء مصنا الغاليةنبيل المنجى محمد شبكة2020-05-08 14:51:32
الغذاء ومرض الزهايمر (الخرف)الغذاء ومرض الزهايمر (الخرف)د مازن سلمان حمود2020-05-07 23:31:28
الأنظمة التربوية قلقة بشأن تقييم الطلبةالأنظمة التربوية قلقة بشأن تقييم الطلبةالدكتور: رشيد عبّاس2020-05-07 10:55:57
هل نحن صائمون أم عن الطعام ممتنعونهل نحن صائمون أم عن الطعام ممتنعوندكتور / محمد زهران زايد2020-05-05 17:39:30
الكورونا.. ماذا لو كانت.. حربا نفسية !!!الكورونا.. ماذا لو كانت.. حربا نفسية !!!الدكتور ميثاق بيات الضيفي2020-05-04 19:51:18
لماذا كان الله وحده القيوم ؟لماذا كان الله وحده القيوم ؟أحمد الديب 2020-05-04 19:23:54
أقلام وإبداعات
لست بإلهلست بإلهالدكتوره ريهام عاطف2020-05-10 05:34:31
كل الطُّرق تؤدي إلى الصفر!كل الطُّرق تؤدي إلى الصفر!مروة عبيد2020-05-09 18:18:42
ليالينا 80 ... في صالون النوستالجياليالينا 80 ... في صالون النوستالجياايفان علي عثمان 2020-05-08 00:03:05
هالة الملح والألوان ... قصيدةهالة الملح والألوان ... قصيدةايفان علي عثمان 2020-05-06 12:43:42
النحات ... إقنعة الضوءالنحات ... إقنعة الضوءايفان علي عثمان 2020-05-05 22:11:49
نسياننسيانالشاعر / أيمن أمين2020-05-04 19:09:51
فتاة غير تقليديةفتاة غير تقليديةالدكتوره ريهام عاطف2020-05-04 05:48:44
مساحة حرة
أحمد المنياوي ، صديق بدرجة أخأحمد المنياوي ، صديق بدرجة أخعمرو أبوالعطا 2020-05-08 23:43:46
في وقت الشدائدفي وقت الشدائدد. عبدالله ظهري2020-05-08 12:20:56
سر الجاذبيةسر الجاذبيةكرم الشبطي2020-05-06 18:26:43
هي فرصة خير .. فعسى أن نكره ما هو خير لناهي فرصة خير .. فعسى أن نكره ما هو خير...حاتم عبد الحكيم عبد الحميد 2020-05-06 16:44:23
خواطر أكتبها للمستقبل (فيروس كورونا) 7 -12خواطر أكتبها للمستقبل (فيروس كورونا) 7 -12سعيد مقدم أبو شروق2020-05-06 08:13:08
ذكريات الاصدقاءذكريات الاصدقاءكرم الشبطي2020-05-04 18:22:10
عربيعربيكرم الشبطي2020-05-02 19:48:12
html slider by WOWSlider.com v8.0
الأكثر قراءة
شباب مصر على تويتر